الطريقه الصحيحه لتمشيط وتسريح الشعر
فؤائد تمشيط الشعر بطريقه صحيحه
1- اسهل وارخص طريقة للحفاظ على صحة الشعر هي تسريح الشعر بطريقه صحيحه .
2-التسريح الصحي لشعريغذي شعرك جيدا وبيخليه يستفيد من كل الزيوت الطبيعية اللي ربنا خلقها في فروة الراس
3- التسريح الجيد للشعر بينضف الشعر وبيشيل كل
الشوائب والاشياء الضارة اللي ممكن تمنع الشعر انه يستفاد منها زي الهواء
والمواد اللي بيحتاجها – يعني لو سرحتي شعرك بطريقة سليمة ده احسن من انك
تستخدمي اي شامبو اللي الهدف منه الرئيسي هو تنضيف الشعر لكن مش معنى كده
اننا ممكن نستغنى عن استخدام الشامبو.
4- التسريح الجيد للشعر يمد الشعر بكمية الأكسجين الازمه لكل شعرايه وبكده يمنعها انها تنكسر او تتقصف
5- التسريح الغير صحيح للشعر يقصف الشعر ويكسره ولايعطيه الغذاء الحقيقي حتى لو كنتي تستخدمي افضل الزيوت له وافضل الخلطات والماسكات الطبيعيه
لذلك أول خطوه للاعتناء بشعرك هي تعلم طريقة التصفيف والتمشيط الصحيحه للشعر
خطوات التمشيط الصحيحه
قبل بدء التمشيط يجب معرفة المشط الصحي
المناسب لتمشيط الشعر
يجب أن تتوافر في المشط الصحي عدة شروط
1-أن يكون مصنوع من الخشب او الفروالطبيعي او النايلون
وابتعدي عن الامشاط البلاستك او المعدنيه
 |
| مشط مصنوع من الخشب |
 |
| فرشاه مصنوعه من النايلون |
 |
| فرشاه مصنوعه من الفرو الطبيعي |
2-أن تكون أطراف المشط الخشبي متباعده وناعمه وليس فيها بروز لان البروز الخشبيه ممكن ان تقصف الشعر
3- المشط الفلايه يجب ان تكون أسنانه ضيقه ومتساويه وهذا المشط يستخدم بعد تسريح الشعر جيدا وعدم وجود أي تشابك في الشعر ويكون بهدف التخلص من القشره أو حشرات الشعر
مع اعطاء تدليك لفروة الشعر وتوزيع الزيوت الطبيعيه الموجوده في فروة الشعر
على جميع أجزاء الشعر
بعد اختيار المشط الصحي نبدأ في تمشيط الشعر
الخطوه الاولى:- قسمي شعرك لجزئين جزء يمين
وجزء شمال باستخدام يدك ويجب ان يكون شعرك
جاف وليس مبلول
الخطوه الثانيه :- قومي بفرد الزيت او كريم التصفيف على شعرك يراعي عند وضع الزيت ان يتم تخفيفه بوضع قطرات من الزيت في طبق به ماء
الخطوه الثالثه:-بتبدأي تسرحي الشعر بالتدريج يعني مثلا بتمسكي الجزء اليمين من أطراف الشعر وبتبدأي
التسريح شوية بشوية وانتي طالعة لفوق لحد ما توصلي لفروة الرأس ولازم ما
تشديش الشعر ولا تكوني سريعة خليكي على مهلك و بتعملي نفس
الشيء للشعر كله .
ملحوظه
لاتسرحي شعرك من اعلى لاسفل
لان ذلك يؤدي الى تهيشه وتقصيفه وصعوبة
تمشيطه
نتيجه لتراكم عقد الشعر فوق بعضها
الخطوه الرابعه :- بعد تسليك شعرك بتقومي بعمل تدليك
لجلد شعرك او استخدام الفلايه وطبعا هتستخدميها
من أعلى لاسفل لان الشعر هيكون أصبح متسلك
الخطوه الخامسه:-جبي شعرك لأدام وتبتدي تسرحيه من الخلف الى الامام وذلك لتهوية الشعر من الخلف
الخطوه السادسه :- رجعي شعرك كله لورا وبترجعي تسرحيه أو تمشطيه تاني بيكون متسلك وتمام
الخطوه السابعه والاخيره :- يمكنك الان فرد شعرك بالمكواه
او الاستشوار وعمل اي تسريحه تحبيها
لاتنسي:-
1-اوعي تسرحي شعرك وهو مبلول ويفضل لو ها تغسلي شعرك انك تسرحيه قبل ما
تغسليه وتسيبيه ينشف بعد ما يتغسل بعدين تسرحيه عشان لا يتقصف ولا يتساقط
2- لا تخلي التسريح اكتر من ثلاث مرات في اليوم يعني يفضل او ما تصحي من النوم وفي نص اليوم مثلا على المغرب وقبل ما تنامي فقط .
3- تاني حاجة لو شعرك دهني فحاولي تخلي مدة تسريح الشعر دقيقة واحدة او
دقيقتين اما لو شعرك جاف فطولي المدة اكتر من 4 الى 5 دقايق لانه ده بيزود
كمية الزيوت في شعرك وبيخلي الدورة الدموية للشعر تاخد حقها .
وفي الاخر جربي تسرحي شعرك بطريقة صحية وهتلاحظي الفرق خلال شهر إن شاء الله
1 التعليقات:
شكرا استفت حقا
إرسال تعليق